Earo
Nurruis oialë eressië hrestassen,ar i taurë falmaryalinen sa quáta
i únótimë rondoli an i quetta
Hecateo lavë yára lammanta halda tien.
Rimbë lúmi sa hirna moica indossë
sa i ampitya hyalma úva colda
aurissen yallo lantaina
írë vilyo vaiwar leryainë mettassë.
Ai ellë! yaron hendun mauya sérë,
á meryata earo látienen.
Ai ellë! yaron hlarië quátina rómanen
var arrimba úvanima lírinen
á harë felyo assassë intien,
an ortallë vë earello quen tullë.
John Keats
