I vrennil vain ben-dihenad

Man naeg mathal, ae maethor veren,
Erui reniol ar nimp?
I thâr pellen uin ael
Ar ú-linnar in aew.

Man naeg mathal, ae maethor veren,
I naer ar pen-lalaith?
I dorech en-nâr pant,
Ar tolthad en-iau coren.

Cenin loth erin hin lín,
Na naeg ar lhêw limminnen,
Ar mi nêf lín veril firiel,
I lagor pêl.

Govannen vrennil na i nain,
I bainwain, hên in-edhil,
Finnel dín and, i dâl dín lim,
Ar hin dín vrêg.

Agoren rê an ndôl dín,
Ar mêr adh rainc ar loth;
Cenn na nin sui meliel,
Ar pent na lhoss velui.

Nan roch nín meleg harn,
Ar ú-gennin nad an aur and,
An tirn na venath linnol,
in glêr edhellin.

Hirn hylch velui enni,
Ar 'lê throvan ar Viruvor,
Na ú-istassen lam e pent,
'Gen melin thenin'

Tunc nin na i fela dín,
Ar ennas nêr dín siriant,
Ar ennas sollin hin dín mrêg
mithol canad lui.

Ar tunc nan êdh nin ennas,
Ar ennas oltha enni, ae,
I ôl vedui i oltha uireb
Nan dalad amon ring.

Cennin erain thind, ar conin nimp,
ar vaethyr vith, sui firn pain;
Nallant 'I vrennil vain ben-dihenad
Si baugla le.'

Cennin i nêf thairn hýn,
Nan gortheb pith edrannen pann,
Ar echui nin hirnin si,
Nan dalad amon ring.

Ar sen an darthon hi,
Erui reniol ar nimp,
Ir thâr pellen uin ael
Ar ú-linnar in aew.

John Keats

Voir le texte en anglais et en français

Retour