Namárië


Ai! Laurië lantar lassi súrinnen
Yéni únotimë ve ramar aldaron !
Yéni ve lintë yuldar avánier
mi oromardi lissë-miruvóreva
Andúnë pella, Vardo tellumar
nu luini yassen tintalar i eleni
ómaryo airetari-lirinen.

Si man i yulma nin enquantuva ?

An si Tintallë Varda Oiolossëo
ve fanyar máryat Elentari ortanë
ar ilyë tier undulávë lumbulë;
ar sindanóriello caita mornië
i falmalinnar imbë met, ar hisië
untúpa Calaciryo míri oialë
Si vanwa ná, Rómello vanwa, Valimar!

Namárië! Nai híruvalyë Valimar.
Nay elyë hiruva. Namárië!